{مكى}
اسمع منى امثال وكلام اسمع منى عن الاحلام
بعد ماتسمع عاوزك تحلم تحلم صاحى منغير ماتنام
واعمل جهدك اتعب حقق كل احلامك بلا اوهام
ربك خلق الدنيا بحالها بكل مافيها فى ست ايام
احلم واحلم واحلم اكتر اوعى حلمك يبقي كابوس
احلم قبل الحلم ما يغلى لو فاكر حلمك بفلوس
وحلم واعمل واذكر واتقل مهما كان الحلم بعيد
ماهييجي يوم وتحقق حلمك الاحلام مالهاش مواعيد
مين قال يا بنى احلم على قدك خلى الحلم مالهوش حدود
واوعى الحلم بس يشدك يبعد فيك عن كل وجود
فى اللي بيرضي بالموجود بيعيش ولا بيهمه العمر
واللى بيحلم ده مفروض بس ميجيش على حلمه الصبر
واللى يصر يحقق حلمه حتى ولو ينحت فى الصخر
واللى ف حلمه ابتده بسجارة كلنا عارفين ايه بحاشيها
يقعد يحلم بس خسارة يخلص حلمه يبقي يطفيها
فى اللى بيحلم ده بيعمر واللى فى حلمه نفسه يهد
واللى ف حلمه عامل عنتر واللى يخاف من حلمه بجد
عجزت كبرت انا لسه صغير لا انا سبت طب هاتحلم امتى
اصلي ضعيف واكيد مش هاقدر طب سبنى ف حالى معانديش وسطه
دي حجات بنقولها ولا نفكر وحجات بايته وكله اونطه
{دنيا}
لو هاتحاول مرة تجرب احلامك هاتشوفها العين
احلم صاحي واحلم نايم واحلم وفى كلتا الحالين
{مكى}
عمرك كنت تصدق حديده بقت تطير
بدء الحلم بفكرة جديده ليه مايكون لي جناح واطير (اها)
لوو حد كان قالك من ميت سنه او حتى متين
فى شئ اسمه الطيارة زى العصفورة بجناحين
ممكن تسافر بيك انت وعيلتك فيها قاعدين
قالوا ناس مجنون رد وقال لا انتو عاقلين
الحقيقه هو العاقل الافكار هى المجانين
اللى عملها يفرق ايه عنك عن السامعين
كان واحد زييك يعنى مالوش اربع رجلين
او عين واحده ف وسط دماغه او فوق راسه فيها قرنين
فى فرق واحد بينكم مخه ماكانش تخين
ف اللى بيحلم يلعب كورة ف دقيقه يقفل ماتش
ومصطفي من غير رجلين وعدى سباحه المانش
وزويل حلو فى فمتو ثانيه جاب نوبيل بالوش
قول احلم اواقف اوعاك تقول مابيتحققش
قوى العزيمه صدقنى ربك ما بيخذلش
2× {دنيا}
لو هاتحاول مرة تجرب احلامك هاتشوفها العين
احلم صاحي واحلم نايم واحلم وفى كلتا الحالين
2× {مكى}
مش كفايه بس تحلم مش مهم الحلم ايه
المهم تتعب تحقق كل اللى انت حلمت بيه
translation freez
اووووووه انحت ف الصخر وحقق حلمك اوووووووه تصانحت ف الصخر وحقق حلمك اووووووووووه انحت ف الصخر وحقق حلمك
أحدث الصور
التسجيل
