soso
الادارة
عدد الرسائل : 13166
العمر : 24
تاريخ التسجيل : 15/08/2009
 | موضوع: كلمات اغنية اوبريت اخر نفس فيا غناء لطيفة وحمادة هلال وخالد سليم 2013  السبت أبريل 13, 2013 9:33 pm | |
|
لو اموت علشان خاطرها الموت مايوجعنيش
انا ممكن اعمل اى حاجة عشان حبيبتى تعيش
ده هى اهلى ودنيتى وناسى وصحابى
وهى امى وبعد حضن الام والله مليش
اهى دى اللى اغلى عليا منى ومن النفس والروح
ويوم ما حد يمس احساس مصر روحى تروح
وطول ما هى بخير بكون مرتاح ومطمن
واما بتعب جوه حضنها كل تعبى يروح
انا فى البلد دى عرفت قيمة انى اكون انسان
انا لما ببعد عن ترابها بحس بالحرمان
ويوم ما بعد الشر ميكونليش مكان فيها
هحس انى خلاص مليش فى الكون ده كله مكان
انا مش هعيش غير فى البلد دى مهما يحصل ايه
دنا كل شارع فيها ليا ذكرى حصلت فيه
دى فيها امى وفيها اول بنت حبتها
وصحبى اللى مابتسندش بجد الا عليه
انا كل حرف فى اسم مصر يساوى عندى كتير
مش بس بعشق ارض بلدى بخاف عليها واغيير
ومهما حد فى يوم يفكر انه يأذيها
انا مش هخاف علشان بلدنا دى ليها رب كبير
يارب حافظ ع البلد دى وصونها واحميها
ده انا روحى فداها واموت عشان حبة تراب فيها
فى ناس كتير تتمنى تبقى بلدنا محمية
ومصر مش هتروح لو راح نفس اخر فيا
انا النهارده يا ربنا راكع مش عشان نفسى
انا جاى بدعى لبلدى اللى اهم من نفسى
يارب خلى بلدنا دايما راسها عالية لفوق
ولا اى شبر فى مصر حد يمسه لو بالسوء
حافظ عليها اصلى البلد دى عليها بدل العين كتيير
وانت اللى قادر انت اللى عاقل انت الكبير
والله مصر ما تستاهل غير كل خير غير كل خير
حافظ عليها اصلى البلد دى عليها بدل العين كتيير
وانت اللى قادر انت اللى عالم انت الكبيير
يارب انت الكبيـــــر . حافظ عليها
لتحميل الاغنية
http://www.mediafire.com/?x7gtq738d7bj8p3  | |
|
Mahmod Moftah
عضو مميز
عدد الرسائل : 8231
العمر : 28
تاريخ التسجيل : 22/08/2009
| | موضوع: رد: كلمات اغنية اوبريت اخر نفس فيا غناء لطيفة وحمادة هلال وخالد سليم 2013 الأحد أبريل 14, 2013 10:31 pm | |
| | |
|
التسجيل
