1-مايكونش منوفي
2-الا
يستخدم بعض المصطلحات مثل محدودي الدخل ولا مساس والمرحله المقبله وغيرها
من العبارات التي تردد على اسماع الشعب اول مايو من كل عام
3-يسمع كل يوم الصبح اغنية دامت لمين...
4-مايعملش زيارات مفاجأه يوم السبت الساعه 11 احنا اللي هنعمله زيارده مفاجأه كل 3 ساعات...
5-مايفكرش انه عشان بقى ريس يبقى قائد الثورة...
6-مايقولناش الاخوه والاخوات علشان انا امي ماخلفتش غيري
7-يصدر قرار بمنع عبارة "بناء على تعليمات السيد الرئيس" واللي يقولها يتحاكم فورا
8-يكون بيتكلم وبيفهم انجليزي من غير مايطرطق ودانه
9-يكون عارف اننا انتخبناه هو.. مش هو و مراته وابنه وجوز خالته وابن خالة اخو عم العيال
10-يبقى عنده فيس بوك بس مابيلعبش فيلا فارم ويكتبله بوست واحد في اليوم علشان مايضيعش وقت الشعب
11-يكون متواضع جداااا... بس مش لدرجة انه يقعد في خيمه "وما يقولش ثورة ثورة احنا اللى نقول بس"
12-مراته تاخد لقب سيدة مصر الاخيره
13-مايقعدش في القصر الجمهوري... ياخدله شقه ايجار جديد.... والقصر يتاجر مفروش لرؤساء الدول الزوار...
14-ياكل عيش من ابو شلن ويشرب من مية الحنفيه
15-البدله بتاعته ماتكونش سينييه وماضي عليها الخواجه فيرساتشي الله يرحمه... يجيب بدلته من عند ابونسمه بتاع البدل
16-يتفرج كل يوم على قناة الجزيره وما يطلعش على التلفزيون المحلى
17-مايكونش عمل اي ضربات جويه ولا ارضيه ولا فضائيه يذل اهلنا بيها
18-مايعطلش المرور عشان يروح مشوار .......عايز يوصل بسرعه يركب طياره ويأجرها على حسابه
19-مايكونش راعي الرياضه والرياضيين ولا الثقافه ولا المثقفين ولا الفن ولا الفنانين ويسيب الناس دي في حالها
20-مايضحكش علينا ويروح يفتتح نفس المكان عشرين مره
21-يبطل كلمة نشجب وندين
22-مايكونش بيصلي العيد قبل مايبدأ وتنزل صورته وهو بيصلي في الاهرام يوم الوقفه بالليل في الطبعه الاولى
23-مايكونش من محبي الاستقرار
24-بمجرد فوزه في الانتخابات وقبل مايحلف اليمين يشتري كرسي تيفال
25- الشروط السابقة غير قابلة للتعديل وعلى كل فرد يرى انه من الضرورى اضافة شرط اخر فليتفضل بالطرح
أحدث الصور
التسجيل
