سوفليه الشيكولاتة

سوفليه الشيكولاتة
مقادير السوفليه:
¼ كيلو شيكولاتة خام
½ كوب كريمة خفق
بياض 6 بيضات 
صفار 2 بيضة
¼ كوب سكر
رشة ملح

مقادير صوص الكريمة:
بياض بيضة
1½ ملعقة كبيرة عسل نحل
1/3 كوب كريمة لباني
¼ كوب لوز مجروش



الطريقة:
1- لعمل سوفليه الشيكولاتة؛ ادهني القوالب اللي هتعملي فيها السوفليه بطبقة خفيفة من الزبدة، وبعد كده رشّي فيها السكر بحيث يغطّي كل جوانبه، وسيبي القوالب على جنب.
2- قطّعي الشيكولاتة قطع صغيرة وسيّحيها على حمام مائي ساخن، وضيفي عليها الكريمة مع تقليبهم باستمرار لغاية ما يمتزجوا مع بعض والشيكولاتة تسيح تماما.
3- بعد كده ارفعي الشيكولاتة من على النار، وضيفي عليها صفار البيض والملح، واستمرّي في تقليبهم لغاية ما يتجانسوا مع بعض، وسيبيهم على جنب.
4- اضربي بياض البيض بالمضرب الكهربي لغاية ما قوامه يزيد شوية، وبعد كده ضيفي عليه ملعقتين كبار سكر، واستمرّي في خفق البيض بالمضرب لغاية ما يبقى عامل زي الكريمة وحجمه يتضاعف.
5- ضيفي خليط مارينج البيض على خليط الشيكولاتة بالتدريج، وبعد كده وزّعي خليط السوفليه في قوالب التقديم اللي إنتي حضّرتيها، وبعد كده حطّي القوالب في الفرن على درجة حرارة عالية لمدة 15 دقيقة، لغاية ما السوفليه يعلى وتتأكّدي إنه استوى.