طنطا | شوية أخبار مزعجة لليومين دووول
1 - امبارح لقوا طفل لسا مولود ميت مخنوق ومرمي في ش طه الحكيم على كوم زبالة قريب من مستشفى الحرية
2 - مجهولون ولعوا في نقطة مرور سبرباي اللي عالسريع النهاردة الفجر
3 - 18 الف توكيل للـ السيسي و 800 لـ حمدين_صباحي في الشهر العقاري لحد امبارح "جريدة الوفد"
4 - الناموس اليومين دول في طنطا عايز قنبلة نووية تقضي عليه, لا ريد ولا بيروسول بياكل معاه
5 - أزمة في البنزين بتكبر وارتفاع في أسعار مولدات الكهرباء (يعني هتستلف عشان تجيبه ومش هتعرف تجيبله بنزين او جاز ولو لقيت هتصدع من صوته )
6 - المياه بتقطع لساعات كتيرة في اماكن كتيرة في طنطا (مأساه)
7 - (لو الجرس رن 3 مرات متواصلة تنزلوا الحوش عشان هندور عالقنابل) دا اللي اتقال للطلبة في مدرستين ابتدائي الشهيد على عفت والاصلاح القديمة في ش توت عنخ امون بسبب وجود مقر حملة السيسي هناك والاولياء بيسألوا: (هما بيضحوا بولادنا ولا الحملة بتتحامى فى اولاد صغيرة ؟!)
8 - اثبتت الدراسات اللي مش علمية ان ش نادي المعلمين هو اقل ش الكهرباء بتقطع فيه - والعربيات بتركن يمين وشمال وصف تاني وثالت (تفتكر ايه السبب !!)
9 - لأول مرة في طنطا مروان_انور هيكون في حفل في تجارة بعد بكرة الاربعاء ومعاه الشاعر محمد_ابراهيم واسامة الهادي وأمير يوسف (الخبر الوحيد الكويس)
لايك أو شير عشان طنطا كل تعرف وتتابع معانا
أحدث الصور
التسجيل
