طنطا | شوية اخبار

#طنطا | شوية اخبار used و zero لليومين دووول - اقراها كويس وانشرها لأنها مهمة 

1 - الدكتور "محمد اسامة سليم" صاحب صيدلية "الاستاد" بيشكر كل الطنطاوية اللي نشرت فيديو السرقة واللي كلموه واهتموا وبيأكد انهم اتمسكوا في تاني يوم من نشر الفيديو 

2 - استاذ دكتور في مستشفى #جامعة_طنطا "محمد ابراهيم الصواف" عمل عملية لطفلة ونسي ابرة في بطنها ومهزلة في المستشفى دي - اسمع بنفسك الحكاية من مامتها من قناة النهار > [ندعوك للتسجيل في المنتدى أو التعريف بنفسك لمعاينة هذا الرابط] وفي الكومنتات

3 - البوست اللي نزلناه اول امبارح بتاع تعديل كوبري الاستاد (والله العظيم اشتغالة) وكاتبين في نفس البوست انها #كذبة_ابريل - ياريت الناس تكمل قراية للاخر - عشان للاسف ناس كتير صدقت

4 - في فلوس مزورة 50 - 100 - 200 موجودة اليومين دول في طنطا ياريت كلنا نتأكد منها قبل ما نحطها في جيبنا

5 - نشطاء سياسيون عملوا محضر في قسم 2 طنطا ضد وزير #الكهرباء بسبب الانقطاع المتكرر في اليوم الواحد وتلف الاجهزة وتعطيل الطلاب عن المذاكرة (محضر# 2490)

6 - من شوية بعد صلاة الجمعة كان في مسيرة #ربعاوية نازلة ضد ترشح #السيسي - مكملوش 5 او 10 دقائق والمدرعات وصلت وضربت غاز والربعاوية ردوا بالطوب وزجاج عربية نيسان اتكسر واتفرقوا على طول 

7 - من كذا يوم حصل مشادات بين مؤيدي ومندوبي حملتي #السيسى و #صباحي في مكتب الشهر العقاري بالمحكمة واشتباكات مع الموظفين كمان (لحد امتى هنفضل بلد مش منظمة في اي حاجة !! )

موضوع رائع بوركت
[ندعوك للتسجيل في المنتدى أو التعريف بنفسك لمعاينة هذه الصورة]