بصوا يا جماعه عشان انا لاقيت كسل من بعض المشرفين لانهم بيعتمدوا على الله ثم عليا
وانا الحمل بجد تقل عليا جدا بسبب حاجات كتيره منها التجديدات اللى حصلت
واللى مش عارف اخلصها وارتاح منها بسبب كسل الناس
عشان كدا فيه قرارات اعتقد انها متأخره اوى بس بردوا ملحوقه
القرارات كالتالى
اول حاجه الاشراف مش هيكون بقسم بعينه
لا هيبقي بالقسم العام بمعنى
1- اصحاب ايجي توب
2-صور ايجي توب
3-رياضه ايجي توب
4-تكنولوجيا ايجي توب
5-موبايل ايجي توب
6-المنتدى الاسلامى
7-مكتبه نيوفورايجى
8-ايجي توب
9-اغانى ايجي توب
************
مش محتاج اعتقد انى اوضح ايه المطلوب الا انه فى قسم الصالون لازم يا جماعه المشرفين اى حد من الاعضاء وبالاخص الناس
اللى بتتواجد يتم عمل موضوع فى يوم عيد ميلاده
النقطه التانيه ملاحظين عدم وجود قسم الافلام تحت اشراف اى حد هيبقي تحت اشرافى الشخصى
***********
طبعا ممكن كدا يبقي فى القسم كزا مشرف بدون اى مشاكل وكله هيبقي مرتاح
**********
هنيجى بقي للتعامل هيكون ازاى
شغل المشرفين يا جماعه ازاى اول مابتدخل المنتدى هتعمل ايه
هتشوف المواضيع الجديده فى قسمك
وهتشوف لو هودا القسم المناسب ليها والا لا لو قسمها المناسب هترد عليها حتى لو بكلمه مشكور
ولو مش قسمها المناسب هتنقله للقسم المناسب وطبعا بيكون فيها رد منك تقول انه تم النقل عشان انا اعرف شغلك
دى حاجه
مطلوب منك انك تعمل موضوع كل يوم
عايز تزود براحتك مش عايز تزود يبقي مطلوب موضوع بس واعتقد لو فضيت 10 دقائق من وقتك هتعمل الموضوع فى ثوانى
طبعا اللى هيزود هو اللى هيحصل على الاوسمه
واللى مش هيزود هيبقي مشرف
طيب اللى هيقلل هيبقي ايه وضعه
اى عدم نشاط من المشرف وخصوصا لو لم يوضح سبب الغياب هيتم عزله من الاشراف
وفتره عدم النشاط دى هتكون اسبوع لو تغيبت اسبوع بدون اى سبب هيبقي رفع اشرافك عنك
طيب لو مراقب هيبقي مشرف فضل غايب هيتم رفع اشرافه كاملا
وياريت يا جماعه اللى هيغيب اما يبعتلى رساله خاصه ويقولى السبب او انه يعمل موضوع هنا ويبين الفتره اللى هيغيبها
انا بقول الكلام دا مش انى بخنقكم او بلزمكم بس بجد يا جماعه احنا لازم
نتعامل باحترافيه فى كل شئ
وتوضيح الخطوط الحمراء فى كل شئ بيبقي تمام
الاشراف فى اى مكان بيبقي الزامى عن العضو بمعنى انه حاجات كتيره انت بتعملها ملزومه منك ومش ملزومه من العضو
اتمنى انى اكون وضحت النظريه ووضحت كلام واسف للاطاله
دلوقتى كل واحد هيدخل ويقولى عايز اشرف قسم ايه
والطلبات هتكون مستمره لحد ماتخلص الامتحانات عشان نعذر الناس اللى لسه ماخلصتش وانا منهم
اى حد مش هيطلب اشرافه مفى الفتره دى هيتم اسقاط اشرافه
وانا هفضل اسال لحد ماعرف اخر امتحانات هتكون امتى وباالتالى كدا الامور اعتقد انها وضحت جدا
وكل شئ بقي واضح
اى شرح اى تسأل اى شئ اى كان
انا تحت امركم بلا تردد
أحدث الصور
التسجيل
